واشنگٹن(اے پی پی) سربیا کے نوویک جوکووچ نے سنسناٹی ماسٹرز ٹینس ٹورنامنٹ جیت لیا۔ امریکہ میں کھیلے گئے مینز سنگلز فائنل میں شہرہ آفاق سوئس سٹار اور ریکارڈ 20 مرتبہ کے گرینڈ سلام چیمپئن راجر فیڈرر اور سربیا کے نوویک جوکووچ آمنے سامنے تھے جس میں دونوں کھلاڑیوں کے درمیان زبردست میچ دیکھنے کو ملا، فائنل میچ میں نوویک جوکووچ نے مظاہرہ کرتے ہوئے راجر فیڈرر کو سٹریٹ سیٹس میں 6-4 اور 6-4 سے شکست دیکر ٹورنامنٹ جیت لیا۔ اس بڑی کامیابی کے ساتھ ہی جوکووچ نے ٹینس کھیل میں تاریخ رقم کرتے ہوئے تمام نو ماسٹرز 1,000 جیتنے کا اعزاز بھی حاصل کرلیا وہ یہ کارنامہ سرانجام دینے والے دنیا کے پہلے کھلاڑی بھی بن گئے۔ ہالینڈ کی ٹینس سٹار کیکی برٹنز نے سنسناٹی ماسٹرز ٹینس ٹورنامنٹ کا ویمنز سنگلز ٹائٹل جیت لیا۔ انہوں نے فائنل میچ میں رومانیہ کی نامور ٹینس سٹار اور عالمی نمبر ایک سیمونا ہالپ کو اپ سیٹ شکست سے چار کیا۔ ویمنز سنگلز فائنل میں ہالینڈ کی ٹینس سٹار کیکی برٹنز نے عمدہ کارکردگی کا مظاہرہ کرتے ہوئے سخت مقابلے کے بعد سٹار رومانوی کھلاڑی اور عالمی نمبر ایک سیمونا ہالپ کو اپ سیٹ شکست دیکر ٹورنامنٹ جیت لیا۔ انکی فتح کا سکور 2-6، 7-6(8-6) اور 6-2 تھا۔ اس سے قبل سیمی فائنل میں سیمونا ہالپ نے بیلاروس کی کھلاڑی ایرینا سبالینکا کو اور ہالینڈ کی کیکی برٹنز نے جمہوریہ چیک کی کھلاڑی پیٹرا کویٹووا کو شکست دے کر فائنل کھیلنے کا اعزاز حاصل کیا تھا۔جمی مرے اور برونو سوریز سنسناٹی ماسٹرز ٹینس ٹورنامنٹ مینز ڈبلز ایونٹ جیت لیا۔ انہوں نے فائنل میچ میں روبرٹ فرا اور جان سیبسٹین کیبل پر مشتمل کولمبین جوڑی کو شکست دیکر ٹائٹل جیت لیا۔ امریکہ میں جاری ایونٹ میں کھیلے گئے مینز ڈبلز فائنل میں برطانوی کھلاڑی جمی مرے اور ان کے برازیلین جوڑی دار برونو سوریز نے شاندار کھیل پیش کرتے ہوئے کولمبیا کے روبرٹ فرا اور انکے ہم وطن جوڑی دار جان سیبسٹین کیبل کو سخت مقابلے کے بعد 4-6، 6-3 اور 10-6 سے زیر کر کے ٹورنامنٹ جیت لیا۔ روس کی ٹینس سٹار ایکا مکارووا اور انکی جمہوریہ چیک کی جوڑی دار لوسی ہراڈیکا نے سنسناٹی ماسٹرز ٹینس ٹورنامنٹ ویمنز ڈبلز ایونٹ جیت لیا۔ انہوں نے فائنل میں بیلجیئم کی ایلیسی مارٹنز اور انکی ہالینڈ کی جوڑی دار ڈیمی سچورز کو شکست دیکر ٹائٹل اپنے نام کرلیا۔