ملتان (کرائم رپورٹر) سی ٹی ڈی نے عید الاضحی کے موقع پر ملتان میں دہشت گردی کا منصوبہ ناکام بناتے ہوئے 2 دہشت گردوں کو گرفتار کر لیا جن کے قبضہ سے بارودی مواد و اسلحہ برآمد ہوا ہے۔ واضح رہے کہ سی ٹی ڈی حکام کو خفیہ ذرائع سے معلوم ہوا کہ کالعدم تنظیم داعش سے تعلق رکھنے والے دو دہشت گرد وسیم الرحمن اورسمیع اللہ وہاڑی روڈ پر سٹیڈیم موڑ کے قریب موجود ہیں اور عیدالاضحی پر حساس مقامات کو نشانہ بنانے کی منصوبہ بندی کر رہے ہیں جس پر خصوصی ٹیم نے کارروائی کرتے ہوئے دونوں دہشت گردوں کو گرفتار کر لیا جن کے قبضہ سے بارودی مواد و اسلحہ برآمد ہوا ہے۔ سی ٹی ڈی حکام نے زیر حراست دہشت گردوں کو نامعلوم مقام پر منتقل کر کے تفتیش شروع کر دی ہے۔