راولپنڈی (اے پی پی )راولپنڈی ڈویژن کے تمام شیڈولڈ بنکوں نے عید تعطیلات کے دوران اے ٹی ایمز کی بلاتعطل سروسز جاری رکھنے کی یقین دھانی کرادی ۔’’اے پی پی ‘‘کو دستیاب معلومات کے مطابق سٹیٹ بنک آف پاکستان کی ہدایات پر راولپنڈی ڈویژن کے تمام شیڈولڈ بنکوں نے یقین دھانی کرائی ہے کہ عید الفطر کی تعطیلات کے دوران تما م اے ٹی ایمز میں رقم کی ہمہ وقت موجود ہو گی اور بنک اے ٹی ایمز بلاتعطل سروسز فراہم کریں گی ۔ذرائع نے قومی خبر ایجنسی کو بتایاکہ عید تعطیلات کے دوران سروسز کی معطلی یا اے ٹی ایمز میں رقوم کی عدم موجودگی کی شکایات پر ایسے بنکوں کے خلاف سخت کارروائی کا فیصلہ کیا گیا ہے ۔