حسن علی اور سامعہ خان کا فوٹو شوٹ،رسم حناء کی شاندار تقریب

دبئی (آئی این پی)پاکستانی فاسٹ بولر حسن کی شادی کی تقریبات کا آغاز ہوگیا ہے۔گزشتہ روز دبئی میں حسن علی کی رسم حنا کی شاندار تقریب دبئی میں ہوئی جس میں شاداب خان سمیت دیگر قریبی دوست اور رشتے داروں نے خوب ہلا گلہ مچایا، شاداب خان اور حسن علی کے دیگر دوستوں اور کزنز نے بھنگڑے بھی ڈالے۔اس سے قبلحسن علی نے اپنی ہونے والی دلہن کے ساتھ فوٹو شوٹ میں بھی حصہ لیاہے۔ کرکٹرحسن علی نے اپنی ہونیوالی دلہن کے ساتھ برج خلیفہ دبئی کے سامنے فوٹو شوٹ کروایا۔ حسن علی نے اپنے دوستوں کے ہمراہ دبئی کے صحرا میں وکٹ لینے کے اپنے مشہوراسٹائل سے تصاویر بھی بنوائیں۔کرکٹر شاداب خان بھی حسن علی کے ساتھ موجود تھے۔فوٹو شوٹ میں حسن علی نے مہندی رنگ کا کرتا زیب تن کیا۔ رسم حنا کے لیے حسن علی نے سبز کرتا اور سفید شلوار زیب تن کیا جب کہ ان کے دوست احباب گہراے نارنجی رنگ کے کرتوں میں دکھائی دیے۔ تقریب میں مہمانوں کی پاکستانی دیسی اور چائنیز کھانوں سے تواضع کی گئی۔یاد رہے کہ حسن علی کا نکاح بھارتی شہری سامعہ خان سے آج دبئی میں ہوگا۔ کرکٹر حسن علی کو نکاح کی تقریب کے لییکیمپ سے7روز کی چھٹی ملی ہے اور حسن علی 26اگست کو پری سیزن کیمپ جوائن کریں گے۔پری سیزن کیمپ کے پہلے 2 روز فٹنس ٹیسٹ کے لیے مخصوص ہیں تاہم حسن علی کیمپ جوائن کرنے کے بعد فٹنس ٹیسٹ دیں گے۔