لاہور (سپورٹس رپورٹر) قومی ٹیم کے آل راؤنڈر محمد حفیظ ویسٹ انڈیز جاتے ہوئے لندن ایئرپورٹ پر پھنس گئے۔ محمد حفیظ نے سماجی رابطے کی ویب سائٹ ٹویٹر پر پیغام میں کہا کہ لاہور سے لندن فلائٹ میں تاخیرپر ویسٹ انڈیز کیلئے پرواز مس ہوئی۔ لاہور سے نجی ایئرلائن کے ساتھ سفر کا تجربہ انتہائی برا رہا ہے۔ لندن سے کنکٹنگ فلائٹ تاخیر کا شکار اور کینسل ہورہی ہیں۔ ہیتھرو ایئرپورٹ پر کوئی ہوٹل کی سہولت میسر نہیں، محمد حفیظ ویسٹ انڈیز میں کیریبین لیگ کھیلیں گے۔