کنٹونمنٹ بورڈ  الیکشن کیلئے پیپلز لیبر بیورو کے کارکنوں کو سرگرم کیا جائیگا: اسلم گل 

لاہور(نامہ نگار) پیپلز پارٹی وسطی پنجاب کے سینئر نائب صدر چودھری اسلم گل سے پارٹی کے سینئر رہنماؤں اشرف خان،زاہد چودھری ایڈووکیٹ اور منظور بھٹی نے پارٹی سیکرٹریٹ میں ملاقات کی۔اس موقع پر عامر سہیل بٹ،نسیم صابر اور عثمان ایوان بھی موجود تھے،ملاقات میں پارٹی امور،ملک کی سیاسی صورتحال اور آئندہ عام انتخابات کے حوالے سے تبادلہ خیال کیا گیا،اسلم گل نے کہا کہ پیپلز لیبر بیورو کے کارکنوں کو کنٹونمنٹ بورڈ الیکشن میں سرگرم کیا جائیگا۔