لاہور(نامہ نگار)ایس پی ڈولفن زوہیب نصر اللہ رانجھا نے ڈولفن سکواڈ اور پی آر یو کی گزشتہ ہفتے کی کارکردگی رپورٹ سے آگاہ کرتے ہوئے بتایا کہ ہیلپ لائن پر موصول1289 کالزپر کارروائیاں عمل میں لائی گئی ہیں۔چوری وڈکیتی کی وارداتوں میں ملوث 26 ملزمان گرفتارکئے گئے۔ملزموں کے قبضہ سے181 موٹرسائیکلیں،7موبائل فون اورہزاروں روپے نقدی برآمدکی گئی۔اسلحہ کے خلاف کریک ڈاؤن کرتے ہوئے7 پستول، 2رائفل،میگزین اورمتعددگولیاں قبضہ میں لی گئیں۔منشیات کیخلاف کارروائی کے دوران شراب،بیئر کین، چرس و ہیروئن برآمد کی گئیں۔ دورانِ پٹرولنگ 13اشتہاری،65 عادی مجرمان گرفتار جبکہ 9 عدالتی مفروران بھی حراست میں لئے گئے۔دورانِ پٹرولنگ کوائف کی تصدیق نہ ہونے پر242گاڑیاں وموٹر سائیکلیں تھانوں میں بند جبکہ179 اشخاص کیخلاف قانونی کارروائی کی گئی۔ ون ویلنگ میں ملوث42 جبکہ پتنگ بازی‘ ہوائی فائرنگ میں ملوث 8 ملزمان گرفتارکئے گئے۔ایس پی ڈولفن زوہیب نصر اللہ رانجھا نے ٹیموں کوموثر پٹرولنگ کرنے کی ہدایت کی اور کہا کہ پٹرولنگ کے حوالے سے تمام ٹیموں کی میں خود مانیٹرنگ کروں گا۔