گوجرانوالہ +قلعہ دیدار سنگھ(نمائندگان خصوصی) صدر مسلم لیگ(ن)ترکیہ میر ابرار احمد بٹ نے کہا ہے کہ عوامی مسائل کاحل میری اولین ترجیحات میں شامل ہے جلد کیلاسکے کی سیوریج کا نظام بحال کیا جائیگا۔ان خیالات کااظہار انہوں نے”منہاج ویلفیئر ڈسپنسری“کے افتتاح کے موقع پرعوامی اجتماع سے دوران خطاب کیا، اس موقع پر عمر اعجاز وڑائچ،قاسم چیمہ ایڈووکیٹ،عبداللہ وڑائچ، رانا مرتضیٰ، میاں ندیم، ملک عمر، ملک آصف نذیر، امجد آرائیں، میاں کاشف و اہلیان کلاسکے و تمام ممبران تنظیم تحریک منہاج القران کلاسکے موجود تھے۔ انہو ں نے مزید کہاکہ کیلاسکے میں سیوریج نظام درہم برہم دیکھ کر بہت افسوس ہوا۔ کیلاسکے میرا ننھیال گھر ہے میں نے بچپن یہیں پہ گزارا ہے، جو ممکن ہو سکا کیلاسکے کیلئے کروں گا‘ جلد کیلاسکے کی سیوریج کے نظام کی بحالی کی جائے گی، جس پر علاقہ مکینوں نے ابرار احمد بٹ کا تہہ دل سے شکریہ ادا کیا اور انکے کے لیے ڈھیروں دعائیں کیں۔