کوآپرا آرٹ گیلری میں " مائی لاہور" کے عنوان سے تصویری نمائش 

لاہور ( خبرنگار ) دی کنزرویشن سوسائٹی لاہور کے تحت " مائی لاہور " کے عنوان سے کوآپرا آرٹ گیلری ریگل چوک میں پینٹنگز کی نمائش شروع ہو گئی معروف ادیب مستنصر حسین تارڑ نے سوسائٹی کے صدر ڈاکٹراعجاز انور ، نائب صدر محمد جاوید اور سیکرٹری رضوان الطاف کے ساتھ نمائش کا افتتاح کیا جو 2ستمبر صبح ساڑھے دس بجے سے شام چھ بجے تک جاری رہے گی ۔مستنصر حسین تارڑ نے کہا کہ لاہور لاہور ہے اس شہر کی تاریخ اور ورثہ پینٹنگز کے رنگ میں ہی قائم رہ سکتا ہے۔ نمائش میں 25 مصوروں کی 70پینٹنگز رکھی گئی ہیں جن مصوروں کی پینٹنگز نمائش میں شامل تھیں ان میں اعجاز انور ، محمد جاوید ، غلام مصطفیٰ ، نذیر احمد ، محبوب علی ، خالد لطیف ، سعید احمد ، منور محی الدین ، ثاقب اختر ، انجم ظہیر ، ماریہ دانیال ، نعمانہ مسعود ، سعدیہ ہاشمی ، محمد عمر اور محمد شفیق ( مرحوم ) کے نام شامل ہیں۔