لاہور(سپورٹس رپورٹر)پاکستان ہاکی فیڈریشن نے ایشین گیمز میں شرکت کرنے والی قومی ہاکی ٹیم مینجمنٹ کا اعلان کردیا۔ صدر پی ایچ ایف بریگیڈیئر رخالد سجاد کھوکھر کی حتمی منظوری کے بعد اولمپیئن شہناز شیخ کو پاکستان ہاکی ٹیم کا ہیڈ کوچ/کیمپ کمانڈنٹ تعینات کردیا گیا۔ کوچز پینل میں اولمپیئن دلاور حسین، اولمپین شکیل عباسی اور گول کیپرز کوچ امجد علی انٹرنیشنل شامل ہیں۔ سابق انٹرنیشنل کھلاڑی سعید خان منیجر ہونگے جبکہ برگیڈیئر ر محمد یوسف بیگ ٹیم ڈاکٹر تعینات کئے گئے ہیں۔ رانا نصر اللہ خان کی خدمات بطور فزیکل ٹرینر حاصل کی گئی ہیں۔ ایشین گیمز 25 سمتبر تا 8 اکتوبر چائنہ کے شہر ہانگجو میں کھیلی جائیگی۔