ارشد ندیم ورلڈ اتھلیٹکس چیمپئن شپ میں شرکت کیلئے ہنگری چلے گئے

لاہور (سپورٹس رپورٹر ) پاکستان کے سٹار اتھلیٹ ارشد ندیم ورلڈ اتھلیٹکس چیمپئن شپ میں شرکت کیلئے ہنگری چلے گئے۔ سٹار اتھلیٹ ارشد ندیم کے کوچ سلمان اقبال بٹ بھی ان کے ہمراہ چلے گئے ہیں۔ روانگی سے قبل ارشد ندیم نے لاہور میں آخری ٹریننگ سیشن میں بھرپور ٹریننگ کی، وہ ورلڈ اتھلیٹکس چیمپئن شپ میں شاندار کم بیک کیلئے پر امید ہیں۔ ورلڈ اتھلیٹکس چیمپئن شپ کے جیولن تھرو ایونٹ کا کوالیفائنگ راونڈ 25اگست کو ہوگا جبکہ فائنل 27اگست کو ہوگا۔ سٹار اتھلیٹ ارشد ندیم نے کہا ہے کہ مکمل فٹ ہوں، اچھا پرفارم کرنے کی کوشش کروں گا، فٹ ہونے کے بعد بھرپور ٹریننگ کی ہے ، ورلڈ اتھلیٹکس میں نیرج چوپڑا کیساتھ اچھا مقابلہ متوقع ہے۔