لاہور(نامہ نگار)فیصل ٹاؤن سے اغوا نوجوان کی نعش اچھرہ کے علاقے سے ملی ہے۔ فیصل ٹاؤن کا رہائشی نوجوان فرخ 18 تاریخ کو گھر سے نکلا،مگر واپس گھر نہ پہنچا ‘گاڑی فیصل ٹاؤن کے علاقے سے مل گئی تھی۔پولیس نے گاڑی تحویل میں لیکرتفتیش شروع کی تو پتہ چلا کہ نامعلوم افراد نے فرخ کو اغواکر لیا ہے۔مغوی کے والدین سے رابطہ کرکے پولیس نے فرخ کے اغو کا مقدمہ درج کر لیا۔گزشتہ روز مغوی فرخ کی نعش اچھرہ کے علاقہ سے ملی ہے۔فرخ کی موت فلیٹ کی چھت سے نیچے گرنے سے ہوئی ہے۔پولیس نے شواہد اکٹھے کئے اور نعش  پوسٹ مارٹم کیلئے مردہ خانے منتقل کر کے تفتیش شروع کردی۔