لاہور(نامہ نگار)جنوبی چھاؤنی کے علاقے میں معمولی جھگڑے کے دوران فائرنگ کے نتیجے میں ایک شخص ہلاک جبکہ3 افراد زخمی ہوگئے ہیں۔ جنوبی چھاؤنی کے علاقے میں دو گروپوں میں جھگڑے کے دوران فائرنگ سے 40 سالہ اقبال موقع پر جاں بحق جبکہ 3 افراد غلام مصطفی،عاقب اور محمد احمد شدید زخمی ہوگئے ہیں۔ریسکیو ٹیم نے تینوں زخمیوں کو ہسپتال منتقل کردیا جبکہ پولیس نے شواہد اکٹھے کئے اور نعش پوسٹ مارٹم کیلئے مردہ خانے منتقل کر کے تفتیش شروع کردی ۔پولیس نے زخمی غلام مصطفی کی مدعیت میں نامزد ملزمان فرمان فرخ ،نوید بھٹی اور اس کیساتھیوں کیخلاف مقدمہ درج کر لیا جبکہ ملزمان کی گرفتاری کیلئے چھاپے مارے جا رہے ہیں۔