ایم ایم اے چیمپئن شپ ‘شہاب علی ایرانی حریف کر ہرا کر سیمی فائنل میں پہنچ گئے  

 لاہور(سپورٹس رپورٹر) مکسڈ مارشل آرٹس ایشین چیمپئن شپ کوارٹر فائنل مرحلے میں پاکستانی فائٹر شہاب علی نے سیمی فائنل میں جگہ بنا لی۔کوارٹر فائنل مرحلے کی 70.3 کلوگرام کیٹیگری میں پاکستانی فائٹر شہاب علی نے ایرانی حریف داریوش خنلاری کو ناک آوٹ کردیا۔شہاب علی نے پہلے رائونڈ پر داریوش خنلاری کے منہ پر وار کئے اور ناک آوٹ کیا، پاکستان کے اب تک تین فائٹرز سیمی فائنل کیلئے کوالیفائی کرچکے ہیں۔ مکسڈ مارشل آرٹس ایشین چیمپئن شپ 2024 پہلی بار پاکستان میں ہورہی ہے، بریو کمباٹ اور ایشین چیمپئن شپ مقابلوں میں 23 ممالک کے 180 سے زائد فائٹرز شریک ہیں۔