لاہور (نامہ نگار) ڈاکوؤں اور چوروں نے متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوؤں نیسندر کے علاقے میں قدیر کے گھر میں گھس کر اہلخانہ کو یرغمال بنا کر 7 لاکھ روپے مالیت کی نقدی، طلائی زیورات، موبائل فون اور دیگرسامان، جوہر ٹاؤن کے علاقے میں مدثر اور اس کی فیملی سے ساڑھے 3 لاکھ روپے مالیت کی نقدی، طلائی زیورات اورموبائل فون، مغلپورہ کے علاقے میں جواد سے 70 ہزار روپے اور موبائل فون، مناواں کے علاقے میں صابر سے61 ہزار روپے اور موبائل فون، رائیونڈ کے علاقے میں کلیم سے گن پوائنٹ پر 80 ہزار روپے اور موبائل فون، مزنگ کے علاقے میں انیس سے پر37 ہزار روپے اور موبائل فون، مصری شاہ کے علاقے میں اشرف سے23 ہزار روپے اور موبائل فون، انارکلی کے علاقے میں تصدق سے14ہزار روپے اور موبائل فون، چوہنگ کے علاقے میں نسیم سے11 ہزار روپے اور موبائل فون، اچھرہ کے علاقے میں ذوالفقار سے 2 ہزار روپے اور موبائل فون لوٹ لیا۔ چوروں نے اقبال ٹاؤن، ڈیفنس، گرین ٹاؤن اور باغبانپورہ کے علاقوں میں سے 4کاریں جبکہ ہنجروال، ریس کورس، ٹبی سٹی، بھاٹی گیٹ، شاہدرہ ٹاؤن، مزنگ، اسلام پورہ اور قائداعظم انڈسٹریل اسٹیٹ کے علاقوں میں سے8 موٹر سائیکلیں چوری کر لیں۔