پنجاب حکومت کی بڑھتی مقبولیت سے اپوزیشن بوکھلاہٹ کاشکار ہے: عارف سندھیلہ 

شیخوپورہ(نمائندہ نوائے وقت)پاکستان مسلم لیگ (ن) کے ضلعی صدر و سابق رکن صوبائی اسمبلی محمد عارف خان سندھیلہ نے کہا ہے کہ (ن) لیگ کی مربوط و انقلابی پالیسیوں کے باعث حکومت کی بڑھتی عوامی مقبولیت اور پنجاب حکومت کی طرف سے مسائل کے حل کی رفتار دیکھ کر اپوزیشن جماعتیں بوکھلاہٹ کاشکار ہیں اور حکومت کے ملکی ترقی وعوامی خوشحالی کے ویژن کو سبوتاژ کرنے کے درپے ہیں جس کی جتنی مذمت کی جائے کم ہے‘وزیر اعلیٰ پنجاب مریم نواز نے شیخوپورہ میں سیف سٹی پراجیکٹ کو مکمل کرکے شیخوپورہ کی عوام کو محفوظ بنا دیا ہے اس اقدام سے اب امن و امان کی صورت حال بہتر ہونے کے ساتھ وارداتوں میں کمی آنے سمیت جرائم پیشہ افراد کی بیخ کنی اور عوام کے جان و مال اوران کی عزت و آبرو کے تحفظ میں بڑی مدد ملے گی ۔پنجاب حکومت تمام اضلاع میں سیف سٹی پراجیکٹ کو تیزی کے ساتھ مکمل کررہی ہے ۔