زنیرہ اظفر ایس ایس پی سپیشل برانچ ، صبا ستار ایس ایس پی انویسٹی گیشن راولپنڈی تعینات

راولپنڈی(اپنے سٹاف رپورٹر سے)ایس ایس پی انویسٹیگیشن راولپنڈی زنیرہ اظفرکو ایس ایس پی سپیشل برانچ راولپنڈی ریجن تعینات کردیا گیا جبکہ صبا ستارکو ایس ایس پی انویسٹیگیشن راولپنڈی تعینات کیا گیا ہے ایس ایس پی زنیرہ اظفر نے راولپنڈی پولیس میں ایس ایس پی آپریشنز اور ایس ایس پی انوسٹی گیشن کی حیثیت سے گرانقدر خدمات انجام دیں فورس کا مورال بلند رکھا میرٹ پہلی ترجیح رہی سانحہِ 9 مئی 2023 کے واقعات میں ملوث ملزمان کی ابتدائی چند گھنٹوں میں ہی گرفتاریاں ہوگئیں جس کیلئے ان کی کمانڈ میں پولیس ٹیموں نے ملزمان گرفتاری کے فوری بعد میڈیا کے سامنے بھی پیش کردئیے انویسٹی گیشن میں پولیس کو متحرک کیا اورمقدمات کے مکمل چالان تیزی سے مجازعدالتوں میں بھجوانے کیلئے فورس کو مسلسل احکامات دیئے بروقت اور موثر تفتیش سے چالان پیش ہونے سے ملزموں کو عدالتوں سے سزائیں ہوئیں انہوں نے شعبہ انویسٹی گیشن کو ہر طرح کے پریشر سے نکالا جس سے سفارشی کلچر کی بیخ کنی ہوئی ۔راولپنڈی تعیناتی کے دوران ایس پی ہیڈکوارٹرز اور ایس پی سی آئی اے بھی رہیں بطور ایس ایس پی انویسٹی گیشن اہم مقدمات کی تفتیش کی براہ راست نگرانی کی اور بہت سے اہم مقدمات میں ملزمان کی گرفتاری سے سزایابی تک کے مراحل میں پیشہ وارانہ کردار ادا کیا تحفظ سینٹر راولپنڈی کو بھی براہ راست سپر وائز کیا اور انکی تعیناتی کے دوران تحفظ سینٹر کی کارکردگی متاثر کن رہی جہاں نہ صرف ٹرانسجینڈرز، بلکہ لاوارث بچوں اور خواتین کے تحفظ کے لئے قابل ذکر کارکردگی سامنے آئی۔