ڈی پی او شاہراہوں پروارداتوں کا نوٹس لیں:چوہدری ذوالقرنین  

اسلام آباد(میگزین رپورٹ)سماجی شخصیت مرحوم چوہدری صفدر کی بہو کو دن دیہاڑے ہینڈ بیگ سے محروم کر دیا گیا۔ پولیس اسٹیشن گولڑہ موڑ( شمس کالونی) کو تحریری شکایت میں فرینڈز کالونی (سہام )کے چوہدری ذوالقرنین نے بتایا کہ ان کی اہیلہ شازیہ کنول اتوار کی سہہ پہر شاپنگ کے لئے چوڑھ چوک بازار(مصریال )میں تھیں کہ موٹر سائیکل سوار دو نوجوان پرس چھین کر فرار ہو گئے۔ پرس میں 7 ہزار روپے بچوں کے ب فارم، شناختی کارڈ اور گاڑی کی رجسڑیشن بک کے ساتھ ضروری دستاویزات بھی تھیں۔ چوہدری ذوالقرنین نے ڈی پی او راولپنڈی سے بڑھتی ہوئی چوری اور سماج دشمن عناصر کی سرکوبی کا مطالبہ کیا ۔