راولپنڈی (اپنے سٹاف رپورٹرسے)ڈکیتی ، چوری کی وارداتوں میں شہری لٹ گئے تھانہ نیو ٹائون کو علی حیدر نے بتایا کہ ڈبل روڈ پر دو مسلح افراد نے مجھ سے گن پوائنٹ پرموٹر سائیکل ، تین لاکھ روپے مالیتی موبائل فون اور 8 ہزار روپے کی نقدی چھین لئے تھانہ نصیرآبادکو مدثر نے بتایا کہ سہام میں دو مسلح ڈاکو میری دکان پر آئے اور اسلحہ کی نوک پر مجھ سے 50 ہزار روپے ، تین موبائل فون چھین کر فرار ہوگئے تھانہ بنی کو اقرا نے بتایا کہ میرے گھر کے تالے توڑکردو لاکھ روپے ، دو لاکھ روپے کا سونا چوری کرلئے گئے تھانہ صادق آبادکو سفینہ ابراہیم نے بتایا کہ میرے ساڑھے چار لاکھ روپے مالیتی دو موبائل فون چوری ہو گئے تھانہ وارث خان کو زیبا خان نے بتایا کہ میرے گھر کے تالے توڑکر دو لاکھ روپے اور چار لاکھ روپے مالیتی زیورات چوری کرلئے گئے تھانہ سٹی کو ارباب رحمان نے بتایاکہ کالج روڈ پر دو موٹر سائیکل سوار مجھ سے بیگ چھین کر فرار ہوگئے جس میں 15 ہزارروپے ، کارڈز تھے تھانہ پیرودھائی کو عبدالوہاب نے بتایا کہ چھتی قبرستان میں دو افراد مجھ سے 60 ہزارروپے روپے کی نقدی ،موٹر سائیکل ، دو موبائل فون چھین کر فرار ہوگئے تھانہ صدربیرونی کو غلام رسول نے بتایا کہ ثمر زار میں ایک شخص اسلحہ کی نوک پر مجھ سے 55ہزار روپے چھین کر فرار ہوگیا ۔