اسلام آباد(وقائع نگار) وائس چانسلر قائد اعظم یونیورسٹی ڈاکٹر نیاز احمد اختر اور مرتضیٰ نور نیشنل کوآرڈینیٹر انٹر یونیورسٹیز کنسورشیم کے ہمراہ منگل کے روز سی ڈی اے ہیڈکوارٹرز کا دورہ کیا.اس موقع پر چیئرمین سی ڈی اے محمد علی رندھاوا نے مارگلہ ہلز میں قائدِ اعظم انکلیو کے نام سے شجرکاری کے لئے مختص جگہ پر یونیورسٹی طلباء کی شرکت کو سراہتے ہوئے کہا کہ یونیورسٹی کے طلباء کی طرف سے شجرکاری مہم میں لگائے گئے درختوں کی کامیاب دیکھ بال کی صورت میں ان کی حوصلہ افزائی کے لئے خصوصی نمبرز رکھے جائیں،چیئرمین سی ڈی اے نے کہا کہ قائدِ اعظم یونیورسٹی کے طلباء کو ادارے میں انٹرنشپ فراہم کرنے کے لئے سی ڈی اے کے ساتھ جلد ایم او یو کریں گے. یونیورسٹی کے انوائرمنٹ، آئی ٹی اور ایچ آر کے شعبہ جات سے طلباء کو اس انٹرنشپ پروگرام میں شامل کیا جاسکے گا۔