نیا سال: ٹائمز اسکوئر پر لگانے کےلئے 13 کا ہندسہ پہنچا دیا گیا

نیویارک(این این آئی) امریکہ میں سال 2013ءکے استقبال کی تیاریاں شروع ہو گئی اورنیو یارک کے ٹائمز اسکوئر پر لگانے کیلئے 13 کا ہندسہ پہنچا دیا گیا ہے نئے سال کے استقبال پر نیویارک میں ٹائمز اسکوائر پر رنگا رنگ تقریب منعقد کی جاتی ہے جس میں مشہور کرسٹل بال کو نیچے اتارا جاتا ہے اور ساتھ ہی آتش بازی اور لائٹنگ کا شاندار مظاہرہ کیا جاتاہے۔ اس سلسلے میں سال نو کے آغاز سے 13 دن پہلے ہی نیویارک کے ٹائم اسکوائر پر 7فٹ لمبا 13 لکھا گیا ہندسہ لایا گیا جسے خاص لیڈ لائٹ بلبوں سے تیار کیا گیا تاکہ بجلی اور مرمت کا خرچہ بچایا جا سکے۔2013ءلکھے گئے ہندسے میں کل 529 لیڈ بلب لگائے گئے ہیں۔ اسے 26 دسمبر تک ٹائم اسکوائر میوزم میں رکھا جائے گا اور اس کے بعد سال نو کے آغاز کے موقع پر ٹائم اسکوائر کے اوپر 2013 ءلکھ کر نصب کر کے روشن کیا جائےگا۔