گوجرانوالہ میں تعزیت کےلیے جانے والے افراد خود حادثے کا شکار ہوکر جان سے ہاتھ دھو بیٹھے۔ ریسکیو ٹیموں کے مطابق مسافروین گاؤں موکھل سندھوواں سے قلعہ دیدارسنگھ جارہی تھی کہ راستے میں موڑکاٹتے ہوئے مخالف سمت سے آنے والے ٹرک سے ٹکرا گئی جبکہ پیچھے سے آنے والا ٹرک بھی اس وین پرچڑھ گیا۔ وین اور دو ٹرکوں کے خوفناک تصادم میں بس کا ڈرائیور اورتین خواتین سمیت سات افراد موقع پر دم توڑگئے جبکہ دس افراد زخمی ہوئے ہیں۔ حادثے کے بعد زخمیوں کوڈسٹرکٹ ہیڈکوارٹراسپتال گوجرانوالہ منتقل کیا گیا جہاں ڈھائی سالہ بچہ اورایک خاتون دم توڑ گئے، ہسپتال ذرائع کے مطابق زخمیوں میں سے تین کی حالت تشویشناک ہے۔