ایل ڈبلیو ایم سی کے زیراہتمام کرسمس کی مرکزی تقریب 23دسمبر کو ٹائون ہال میں ہوگی

لاہور(خبر نگار)چیئرمین لاہور ویسٹ مینجمنٹ کمپنی (ایل ڈبلیوایم سی) مہر اشتیاق کی ہدایت پر ادارے کے مسیحی ملازمین کو کرسمس کے موقع پر مبارکباد دینے اور انکی خوشیوں میں شامل ہونے کے لیے خصوصی پلان جاری کیا گیاہے ۔ پلان کے مطابق ایل ڈبلیوایم سی کی طرف سے ذیلی دفاتر میں کرسمس کیک کاٹنے کی تقریبات کا اہتمام کیا جا رہا ہے جبکہ مرکزی تقریب 23 دسمبر کو ٹائون ہال میں منعقد کی جائے گی جس میں رواں برس کے دوران بہترین کارکردگی کا مظاہرہ کرنے والے مسیحی ملازمین کو تعریفی اسناد و انعامات سے دیئے جائیں گے۔