سیہون شریف: بلاول کی بہنوں سمیت عطاء اللہ شاہانی کی شادی میں شرکت

سیہون شریف (صباح نیوز) سیہون شریف میں چیئرمین پیپلز پارٹی بلاول بھٹو اپنی بہنوں بختاور بھٹو اور آصفہ بھٹو کے ہمراہ پی پی پی تحصیل سیہون شریف کے صدر امان اللہ شاہانی کے کزن اور دبئی میں بلاول ہائوس کے منیجر، عطا حسین شاہانی کی شادی میں شرکت کے لئے گائوں علی حسن شاہانی گئے۔ تفصیلات کے مطابق چیئرمین پیپلز پارٹی بلاول بھٹو اپنی بہنوں بختاور بھٹو اور آصفہ بھٹو کے ہمراہ گائوں علی حسن شاہانی گئے جہاں انہوں نے تحصیل سیہون شریف کے صدر امان اللہ شاہانی کے کزن اور دبئی میں بلاول ہا ئوس کے منیجر، عطا حسین شاہانی کی شادی میں شرکت کی۔ اس موقع پر انہوں نے عطا حسین شاہانی کو شادی کی مبارکباد دی اور دیگر رہنمائوں سے بھی ملاقات کی۔