مکرمی! گلگت میں محنت مزدوری کے دوران مجھے ایسا نایاب پتھر ملا جس پر شیر کنداں تھا اس قیمتی پتھر کو علاقے بھر کے لوگوں نے دیکھا۔ پھر مجھے ایک شخص نے کہا کہ شیر چونکہ مسلم لیگ ”ن“ کا انتخابی نشان ہے وہ نایاب پتھر اگر میاں نواز شریف کو تحفہ میں دیں گے تو جواب میں دو کنال قطع اراضی اور بہت سی رقم انعام کی صورت ملے گی۔ یہ 2012-13 کی بات ہے اور مجھے کہا گیا کہ اب آپ انتخابات کا انتظار کریں جیسے ہی مسلم لیگ ن کی حکومت آئے گی وہ مجھے پلاٹ اور رقم دلا دیا جائے گا۔ میاں محمد نواز شریف کے پاس قیمتی پتھر پہنچ چکا ہے مگر ہم ابھی تک حکومت اور مسلم لیگ ن کی قیادت کی طرف سے عنائیات سے محروم ہیں۔ ہم وزیراعظم محمد نواز شریف سے دردمندانہ درخواست کرتے ہیں کہ خدارا غربت‘ بے روزگاری اور مہنگائی کے اس دور میں ہماری معاونت کریں میرے والد سکندر خان ان دنوں شدید بیمار ہیں۔
(شوکت عالم، گلگت بلتستان 0315-6332472)