پنجاب میں بلدیاتی ادارو ں کے سربراہوں کے انتخاب کیلئے پولنگ کل ہوگی

لاہور(خبرنگار ) پنجاب میں بلدیاتی انتخابات کے تیسرے مرحلے کی پولنگ کل 22دسمبر کو ہوگی۔ تفصیلات کے مطابق صوبہ پنجاب میں میئر، ڈپٹی میئر، چیئرمین، وائس چیئرمین کے انتخاب کیلئے کل 22 دسمبر کوانتخابات ہوں گے۔ الیکشن کمشن کے مطابق ممبرقومی وصوبائی اسمبلی کے پولنگ سٹیشن میں داخلہ پر پابندی ہوگی، پولنگ سٹیشن کی حدود کے 200 میٹرمیں غیر متعلقہ افراد کاداخلہ ممنوع ہوگا۔ پولنگ صبح 9 سے دوپہر 2 بجے تک بلاتعطل جاری رہے گی۔