لاہور (نیوز رپورٹر) صحت مند پنجاب پروگرام کے تحت فوڈ اتھارٹی ٹیم نے صابن سازی کی آڑ میں مرغی کی آلائشوں سے کوکنگ آئل بنانے والی فیکٹری پر چھاپہ مارتے ہوئے 1400من خوردنی تیل اورسینکڑوں من مرغی کی آلائشیں برآمد کر کے ضائع کر دیں۔مراد کالونی میں کارروائی کے دوران رہائشی علاقے میں کام کرنے والی فیکٹری کے خلاف کارروائی کی گئی۔ ملزمان فرار ہو گئے تاہم فیکٹری مالکان کے خلاف ایف آئی آر درج کروا دی گئی۔ لاہور میں علامہ اقبال ٹائون کی ٹیم نے جوہر ٹائون میں ایکوا کول واٹر پلانٹ کو جرمانہ کیا گیا۔ فاروق آباد مین روڈ پر شفیق نان شاپ اور نشتر ٹائون میں الحبیب ریسٹورنٹ ،ملک ایند سویٹس شاپ کو تاج پورہ بٹ چوک میں صوفی سویٹس جرمانہ کیا گیا۔