ٹورمیچ کا دوسرا روز،سائوتھ افریقہ انویٹیشن الیون نے 45 رنز بنالئے

اسلام آباد(سپورٹس رپورٹر) سائوتھ افریقہ انویٹیشن الیون نے تین روزہ ٹورمیچ کے دوسرے روز کھیل کے اختتام پر ایک وکٹ کے نقصان پر 45 رنز بنالئے ہیں۔ قبل ازیں کپتان ایکرمین کی شاندار ناقابل شکست سنچری کی بدولت کرکٹ سائوتھ افریقہ انویٹیشن الیون نے تین روزہ ٹور میچ کی اپنی پہلی اننگز 318 رنز 7 کھلاڑی آئوٹ پر ڈیکلیئر کردی۔جس کے جواب میں پاکستان نے اپنی پہلی اننگز میں اظہر علی اور بابراعظم کی شاندار سنچریوں کی بدولت 306 رنز سات کھلاڑی آئوٹ پر اپنی اننگز ڈکلئیر کر دی تھی ۔ میزبان کپتان ایکر مین نے شاندار بیٹنگ کا مظاہرہ کرتے ہوئے مہمان ٹیم کے بائولرز کی خوب دھلائی کی اور ناقابل 103 رنز بنائے۔، رچرڈز 98 رنز کے ساتھ دوسرے نمایاں بلے باز رہے، پاکستان کے فہیم اشرف اور اظہر علی نے دو، دو جبکہ عمر حسن علی اور حارث سہیل نے ایک ایک کھلاڑیوں کو آئوٹ کیا۔ بنونی میں دونوں ٹیموں کے درمیان تین روزہ ٹور میچ شروع ہوا تو کرکٹ سائوتھ افریقہ انویٹیشن الیون کے کپتان ایکرمین نے ٹاس جیت کر پہلے بیٹنگ کا فیصلہ کیا۔ برانڈ اور رچرڈز نے اپنی ٹیم کو شاندار اننگز کا آغاز فراہم کیا۔ برانڈ 38، ڈیتھولی 12، بریٹزکی 24، رچرڈز 98، نایاکیو 1، مونسمے 5، سائمنڈز 30 رنز بناکر آئوٹ ہوئے۔ کپتان ایکرمین 103 کے ساتھ اور منیاکا 3 رنز کے ساتھ ناٹ آئوٹ رہے ۔