لاہور(سپورٹس رپورٹر+نمائندہ سپورٹس)انگلینڈ ویمنز نے تیسرا ٹی ٹونٹی بھی جیت کرپاکستان کے خلاف کلین سویپ کردیا۔ انگلینڈ ویمنز ٹیم نے 3 وکٹوں پر 170 رنز بنائے۔ ہیتھر نائٹ 43 اور ایمی جونز 37 رنز بناکر آؤٹ ہوئیں۔ ڈیانا بیگ نے 2 وکٹیں حاصل کیں۔171رنز کے تعاقب میں29 رنز پر دونوں بیٹرز پویلین واپس لوٹ گئیں۔جویریہ خان نے 57 رنز کی ناقابل شکست اننگز کھیلی۔ قومی ٹیم 5 وکٹوں پر 144 رنز بناسکی۔ سارہ گلین اور شرب سول نے 2،2 وکٹیں حاصل کیں۔انگلینڈ ویمنز ٹیم کی کپتان ہیتھر نائٹ پلیئر آف دی میچ اور اوپنر ایمی جونز پلیئر آف دی سیریز قرار پائیں۔ ورلڈکپ سے پہلے یہ پاکستانی ویمنز ٹیم کی آخری سیریز تھی۔