ملتان (سپورٹس ڈیسک) آسٹریلیا میں جاری بگ بیش لیگ کے 11 ویں میچ میں سڈنی سکسرز نے ایڈیلیڈ سٹرائیکرز کو 38 رنز سے شکست دے دی۔ سڈنی سکسرز نے پہلے کھیلتے ہوئے 5 وکٹوں کے نقصان پر 177 رنز بنائے۔ ڈینئل کرسچین نے ففٹی بنائی جبکہ ڈینیئل ہگز نے 46 رنز بنائے اور ناٹ آؤٹ رہے۔ ایڈیلیڈ سٹرائیکرز کے ویس ایگر اور ڈینیئل وورال نے 2,2 جبکہ راشد خان نے ایک کھلاڑی کو آؤٹ کیا۔ بعد میں کھیلتے ہوئے ایڈیلیڈ سٹرائیکرز کی ٹیم مقررہ 20 اوورز میں 7 وکٹوں پر 139 رنز بنا سکی۔ پل سالٹ 28 اور جوناتھن ویلز 36 رنز بنا کر نمایاں رہے۔ سکسرز کی طرف سے بیجمن منینٹی‘ کارلوس پریتھویٹ اور سٹواوکیفی نے 2,2  کھلاڑیوں کو پویلین کی راہ دکھائی۔