کراچی(نیوز رپورٹر) برٹش کونسل نے ڈائریکٹوریٹ پرائیوٹ انسٹی ٹیوشنز کی رجسٹرار رفیعہ ملاح کو ان کے خدمات کے اعتراف میں انٹر نیشنل اسکول ایوارڈ کے اعزاز سے نوازا ہے ۔اس موقع پر رفعیہ ملاح نے خالد عثمان کا خصوصی شکریہ ادا کیا کہ انہوں نے اس پر وقار تقریب میں مدعو کیا ۔انہوں نے تقریب کو بہترین انداز میں منعقد کرنے کی کوششوں کو بھی سرہا انہوں نے کہا کہ برٹش کونسل کی جانب سے شیلڈ عطا کرنا ان کیلئے قابل فخر ہے انہوں نے برٹش کونسل کا بھی خصوصی شکریہ ادا کیا اور تعلیم کے فرو غ میں اپنے غیر مشروط تعاون کا یقین دلایا ۔ دریں اثناء رفیعہ ملاح نے اعزاز ملنے پر خوشی کا اظہار کرتے ہوئے برٹش کونسل سے اظہار تشکر کیا ہے۔ انہوں نے خالد عثمان کو شاندار تقریب کے انعقاد پر خراج تحسین پیش کیا۔