کوئٹہ (بیورو رپورٹ) خاران میں نا معلوم مسلح افراد نے لیویز چیک پوسٹ پر فائرنگ کر دی ایک لیویز اہلکار شہید دوسرا زخمی ہو گیا۔ خاران لیویز فورس کے مطابق 20 دسمبر الصبح 25 سے 30 کے قریب نامعلوم مسلح افراد نے خاران سی پیک ہائی وے پر واقع قائم بھٹ لیویز چیک پوسٹ پر حملہ کر دیا۔ بھٹ لیویز چیک پوسٹ پر چھ لیویز اہلکاراں ڈیوٹی پر موجود تھے، ڈیوٹی پر مامور اہلکاروں نے جوانمردی سے شر پسند عناصر سے مقابلہ کیا، فائرنگ کے تبادلے میں لیویز دفعدار محمد آساءنے جام شہادت نوش اور لیویز سپائی خلیل احمد شدید زخمی ہوئے، لیویز جوانوں کی جوابی فائرنگ سے ایک حملہ آور بھی زخمی ہوا جسے حملہ آور اپنے ساتھ اٹھا کر لے گئے۔ شہید لیویز اہلکار دفعدار محمد آساءکی خاران قبرستان میں نمازِ جنازہ ہوئی، پولیس کے چاق وچوبند دستے نے سلامی دی اور انہیں سرکاری اعزاز کے ساتھ سپرد خاک کیا گیا۔
کوئٹہ فائرنگ،اہلکار شہید