لاہور(سپورٹس رپورٹر)انگلینڈ کے ہیڈ کوچ برینڈن میکلم نے کہا ہے کہ پاکستان کے گراونڈز مین کی تعریف کروں گا کہ ہر وینیو پر الگ وکٹ ملی۔ پاکستان میں جس طرح سپورٹ ملی  شکرگزار ہیں، ہم اچھی یادوں کیساتھ یہاں سے واپس جائیں گے۔ میرا خیال ہے پاکستان نے بھی سیریز میں اچھی کرکٹ کھیلی، تینوں میچز میں ایسے لمحات آئے جس میں دونوں ٹیمیں قریب تھیں۔ اگر ہمارا پلہ سیریز میں بھاری تھا تو پاکستان کو بھی ان کے مواقع ملے، میرے خیال میں یہ بہت اچھی سیریز رہی جس کو فینز نے انجوائے کیا، ٹیسٹ کرکٹ ہمیشہ سے ہی اس انداز میں کھیلی جاتی ہے، پاکستان نے سیریز میں جو کردار ادا کیا وہ بھی قابل تعریف ہے، ٹیسٹ کرکٹ میںو ہر جگہ مختلف وکٹ ملتی ہیں،کبھی کبھار حکمت عملی چیلنج ہونا اچھی بات ہے، نہیں چاہتا کہ شکست کا خوف کھلاڑیوں کی صلاحیت کو مفلوج کرے، اگر کھلاڑیوں کو پریشر سے آزاد کریں تو ان کی کارکردگی بہتر ہوتی ہے۔