لاہور (سپورٹس رپورٹر)لاہور قلندرز کی انتظامیہ نے کپتان شاہین آفریدی کے بعد فاسٹ بائولر حارث رؤف اور فخر زمان کو بھی گاڑیاں تحفے میں دے دیں۔سی ای او عاطف رانا نے کہاکہ لاہور قلندرز کے کھلاڑی جوش و جذبے سے کھیلتے ہیں، ان کا خیال رکھنا بہت ضروری ہے ۔ کرکٹرز کا کہنا ہے کہ لاہور قلندرز کھلاڑیوں کا فیملی کی طرح خیال رکھتی ہے۔لاہور قلندرز نے کرکٹرز کو گاڑیاں دینے کی تقریب گورنمنٹ کالج یونیورسٹی کے اوول گراؤنڈ میں سجائی۔قلندرز انتظامیہ اور کرکٹرز شاہین آفریدی، حارث رؤف اور فخر زمان کا تقریب کیلئے اوول گراؤنڈ پہنچنے پر شاندار استقبال کیا گیا۔جی سی یو کے وائس چانسلر اصغر زیدی نے لاہور قلندرز کی انتظامیہ کا طلبہ کے سامنے تقریب سجانے پر شکریہ ادا کیا ۔ سی ای او عاطف رانا نے کہا کہ کھلاڑیوں کا خیال رکھنے کا سلسلہ جاری رکھا جائیگا۔جی سی یو کے آڈیٹوریم میں پنجاب فوڈ اتھارٹی کے تعاون سے لاہور قلندرز نے میٹ اینڈ گریٹ کا بھی اہتمام کیا۔
 جس میں طلبہ نے کرکٹرز سے سوالات کیے، جبکہ اس دوران آڈیٹوریم کرکٹرز کے نعروں سے گونجتا رہا۔