کنگن پور ( نامہ نگار) کنگن پور پنڈ میں واٹر سپلائی کے پائپ بوسیدہ ہونے کی وجہ سے عوام کو اکثر پریشانی کا سامنا کرنا پڑ رہا ہے جب لوگوں کو پینے کا صاف پانی میسر نہیں ہوتا تو عملہ بلدیہ سے رابطہ کر نے سے معلوم ہوتا ہے کہ فلاں جگہ سے پانی کا پائپ پھٹ گیا ہے جس کی مرمت کے لیے پانی بند ہے پائپ کی مرمت کےلئے اکثر و بیشتر چوبیس گھنٹے لگ جاتے ہیں اور لوگ پانی کی بوند بوند کو ترس جاتے ہیں چونکہ کنگن پور پنڈ کی آبادی اونچائی پر ہے جہاں ہینڈ پمپ یا موٹر پمپ کا میاب نہیں ہیں اور صرف واٹر سپلائی کا پانی ہی دستیاب ہوتا ہے ۔ حتیٰ کہ مساجد میں بھی پانی نہ ہونے سے نمازیوں کو شدید پریشانی ہوتی ہے اہل علاقہ نے اعلیٰ حکام سے مطالبہ کیا ہے کہ کنگن پور میں واٹر سپلائی پائپ تبدیل کر کے عوام کو پریشانی سے نجات دلائی جائے۔