ننکانہ صاحب+ شرقپور شریف(نامہ نگاران ) ٹرےفک حادثات مےں خاتون سمےت 2 افراد جاں بحق ہو گئے۔ ننکانہ صاحب مانانوالہ روڈ پر موضع کھیپ والی سٹاپ کے قریب تیز رفتار لوڈر رکشہ موڑ کاٹتے ہوئے بے قابو ہو کر الٹ گیا جس کے نتیجہ میں لوڈر رکشہ کا ہیلپر 15سالہ سیف علی سر پر گہری چوٹ لگنے کی وجہ سے زخموں کی تاب نہ لاتے ہوئے زندگی کی بازی ہار گیا۔ علاوہ ازےں نئی بھنئی کی رہائشی مقصودہ بی بی جو کہ گدھا گاڑی میں سوارہو کر سڑک کراس کر رہی تھی کہ تیز رفتار بس نے اسے کچل ڈالااور وہ موقع پر جاں بحق ہوگئی ورثا نے لاہور جڑانوالہ روڈ کو بلاک کر کے احتجاج کیا جس سے آمدورفت معطل ہو کر رہ گئی پولیس کےساتھ مذاکرات کے بعد روڈ کو کھول دیا گیا پولیس نے مقدمہ درج کرلیا۔