ملتان ( خبرنگار خصوصی )پارکس اینڈ ہارٹی کلچر اتھارٹی ملتان کے زیر اہتمام تین روزہ سالانہ گلِ داؤدی کی نمائش کا آغاز 23دسمبر جمعہ سے ہوگا۔قلعہ کہنہ قاسم باغ ابنِ قاسم پارک میں پھولوں کے سٹالز کی تیاری جاری ہے۔تین روزہ فیسٹیول میں خواتین و بچوں کے لئے بہترین تفریح کا سامان ہو گا۔مسیحی برادری کیلئے 25دسمبر تک نمائش کو جاری رکھا جائے گا۔پارک سے ملحقہ کینٹینز میں حفظان ِصحت کے اصولوں کو ملحوظ خاطر رکھاجائیگا اور گندگی برداشت نہیں کی جائے گی۔ان خیالات کا اظہار ڈی جی پی ایچ اے ملتان آصف رؤف خان نے گل داؤدی کی نمائش تیاریوں کا جایزہ لینے کے موقع پر کیا۔ اس موقع پر ڈائریکٹر مارکیٹنگ حافظ اسامہ، ڈائریکٹر انجینئرنگ عدنان بٹ، ڈائریکٹر ہارٹیکلچر سعد قریشی و دیگر آفیسران بھی موجود تھے۔