قومی کرکٹرشاداب خان پنجاب پولیس کے برانڈ ایمبیسیڈر مقرر 

 لاہور(سپورٹس رپورٹر+نامہ نگار)قومی کرکٹ ٹیم کے آل راؤنڈر شاداب خان پنجاب پولیس کا حصہ بن گئے۔ ترجمان پولیس کے مطابق شاداب خان کی سینٹرل پولیس آفس میں آئی جی پنجاب سے ملاقات ہوئی، اس دوران انہیں پنجاب پولیس کا برانڈ ایمبیسیڈر مقرر کیا گیا۔ شاداب خان نے پنجاب پولیس کا یونیفارم زیب تن کی، آئی جی، ایڈیشنل آئی جی پنجاب نے شاداب کو اعزازی ڈی ایس پی کے رینک لگائے۔شاداب خان نے اعزازی ڈی ایس پی مقرر کرنے پر آئی جی پنجاب کو سلیوٹ کیا۔