پورٹ ایلزبتھ ٹیسٹ : جنوبی افریقہ نے 5 وکٹوں پر 214 رنز بنا لئے

پورٹ ایلزبتھ (سپورٹس ڈیسک) جنوبی افریقہ نے آسٹریلیا کیخلاف ٹیسٹ سیریز کے دوسرے میچ کی پہلی اننگز میں 5 وکٹوں پر 214 رنز بنا لئے۔ جنوبی افریقہ نے ٹاس جیت کر پہلے کھیلنے کا فیصلہ کیا جو غلط ثابت ہوا ۔2 وکٹیں صرف 11 کے مجموعی سکور پر گر گئیں۔ کپتان گریم سمتھ 9، ایلگر 83، ہاشم آملہ صفر، ڈوپلیسی 55 اور ڈی کاک 7 رنز بنا کر آؤٹ ہوئے۔ اے بی ڈویلیئرز 51 اور ڈومینی 2 رنز پر کھیل رہے ہیں۔ نیتھن لیون نے 2، ہیرس، جانسن اور سمتھ نے ایک ایک وکٹ حاصل کی۔ آسٹریلیا کو سیریز میں ایک صفر کی برتری حاصل ہے۔