راولپنڈی (آئی این پی) راولپنڈی اڈیالہ چوکی پر فائرنگ سے چوکی انچارج محمود گوندل جاں بحق ہو گیا، نعش ڈی ایچ کیو ہسپتال منتقل کر دی گئی۔ تھانہ صدر بیرونی کے علاقے گلشن آباد میں واقع اڈیالہ چوکی پر تعینات سب انسپکٹر محمود گوندل نے ناکے پر مشکوک گاڑی کو روکا تو گاڑ ی میں سوار ملزمان نے پولیس پر فائرنگ کر دی، جس کے نتیجے میں چوکی انچارج موقع پر ہی جاں بحق ہو گیا، واقعے کی اطلاع ملتے ہی پولیس کے اعلیٰ حکام اور متعلقہ ایس ایچ او جائے وقوعہ پر پہنچ گئے، پولیس نے علاقے کی ناکہ بندی کر کے تحقیقات شروع کر دی۔