لدھا(نامہ نگار) ایف آر ٹانک کے علاقہ پینگ میں سیکورٹی فورسز کی کارروائی کے دوران اہم طالبان کمانڈر سمیت 4 دہشت گرد ہلاک ہوگئے جبکہ بھاری ہتھیار برآمد کر لئے گئے۔تفصیلات کے مطابق پیر کو ایف آر ٹانک کے علاقہ پینگ میں سیکورٹی فورسز نے سرچ اینڈ اسٹرائیک آپریشن کیا۔ سیکورٹی فورسز ذرائع کے مطابق آپریشن کے دوران جھڑپ میںسابق طالبان کمانڈر عصمت اللہ شاہین گروپ کے اہم کمانڈر زمان عرف طوفان ،عمر عرف منصور ،ظلم عرف ظلمک اور وصی اللہ ہلاک ہوگئے ذرائع کے مطابق آپریشن کے دوران ایک عدد راکٹ لانچر ،دو کلاشنکوف ،ایک بھاری مشین گن ،دو پستول ،نو مارٹر گولے سمیت سینکڑوں کی تعداد میں کارتوس سیکورٹی فورسز نے اپنے قبضہ میں لے لیے ۔
4 دہشتگرد ہلاک