شارجہ(نمائندہ سپورٹس) پاکستان سپر لیگ ٹو کے میچ میں لاہور قلندرز نے سنسنی خیز مقابلے کے بعد اسلام آباد یونائیٹڈ کو ہرادیا۔لاہور قلندرز نے ٹاس جیت کو اسلام آباد یونائیٹڈ کو پہلے کھیلنے کی دعوت دی تو اسلام آباد کی ٹیم مقررہ اوورز میں 8وکٹوں پر145رنز بناسکی۔سابق چمپئین کی جانب سے سمتھ 20‘ رفعت اللہ مہمند 18‘ شاداب خان 42رنز بنا کر نمایاں رہے۔لاہور قلندرز کی جانب سے عامر یامین نے تین‘ یاسر شاہ نے دوشکار کئے۔جواب میں لاہور قلندرز کی بیٹنگ بھی مایوس کن ثابت ہوئی ۔ ڈیلپورٹ 12‘ میکولم 11‘ فرخ زمان 6‘ محمد رضوان 3‘ عرفان جونئیر صفر‘ نارائن 12سہیل تنویر1‘ عامر یامین صفر پر آؤٹ ہوئے ۔ لاہور قلندر ز کی جانب سے عمراکمل نے شاندار 66رنز بنائے ان کی اننگز میں تین فلک شگاف چھکے اور 8چوکے شامل تھے۔دوسرے کامیاب بلے گرینٹ ایلیٹ رہے انہوں نے 26رنز کی ذمہ دارانہ اننگز کھیلی میچ کا فیصلہ آخری اوور میں ہوا ۔ایلیٹ نے شاندار چھکا مار کر لاہور قلندرزکیلئے فتح سمیٹ لی۔ اسلام آباد یونائیٹڈ کی جانب سے رومان رئیس کامیاب گیند باز ثابت ہوئے انہوں نے چار اوورز میں 26رنز دے کر تین کھلاڑیوں کو پویلین کی راہ دکھائی۔شاداب خان نے دو کھلاڑیوں کو آؤٹ کیا۔عمر اکمل کو شاندار اننگ پر مین آف دی میچ قرار دیا گیا۔