اداکارہ ماہرہ خان نے ہم سٹائل ایوارڈ میں موسٹ سٹائلش ایکٹریس کا ایوارڈ ملنے پر مداحوں کا شکریہ ادا کر دیا۔ انہوں نے سوشل میڈیا پوسٹ میں کہا کہ وہ معذرت خواہ ہیں کہ وہ کافی ٹائم کے بعد یہ پوسٹ شیئر کر رہی ہیں۔ انہوںنے کہا کہ وہ اپنے مداحوں، دوستوں اور فیملی کی شکر گزار ہیں جن کی وجہ سے وہ اس مقام پر پہنچی ہیں، انہوں نے موسٹ سٹائلش ایکٹریس کے ایوارڈ پر کہا کہ وہ اپنی سٹائلسٹ، میک اپ آرٹسٹ، ہیر سٹائلسٹ اور ڈیزائنر کی شکر گزار ہیں جن کی وجہ سے وہ یہ ایوارڈ اپنے نام کرنے میں کامیاب رہیں۔ انہوں نے کہا کہ اگر یہ سب ان پر ہوتا تو وہ اپنی سفید شلوار قمیض میں رہتیں۔