کورونا وباء کے بعد کھیلوں کی سرگرمیاں تازہ ہوا کا جھونکا ہیں:ڈپٹی کمشنر ملتان 

ملتان (سپیشل رپورٹر)ڈپٹی کمشنر عامر خٹک اور صوبائی پارلیمانی سیکرٹری ندیم قریشی نے گزشتہ روز ایمرا الیون اور آرٹسٹ الیوں کے مابین کھیلے جانیوالے ٹی20 میچ میں بطور مہمانان خصوصی شرکت کی۔اس موقع پرڈپٹی کمشنر عامرخٹک نے کہا کہ کورونا کے اس گھٹن زدہ ماحول میں کھیلوں کی سرگرمیاں تازہ ہوا کا جھونکا ہیں، اب کورونا وباء کے دور کو الوداع کہنے کا وقت ہوا چاہتا ہے۔ ضلعی انتظامیہ مارچ میں سپورٹس گالا اور جشن بہاراں کا میگا ایونٹ منعقد کرے گی،سپورٹس گالا میں نیزہ بازی،کرکٹ اور دیگر کھیلوں کے مقابلے ہونگے ۔بعد ازاں ڈپٹی کمشنر  اورندیم قریشی نے نمائشی میچ بھی کھیلا۔