لاہور(نمائندہ سپورٹس )پاکستان سپر لیگ کی ٹیم پشاور زلمی کا حصہ بننے کے بعد ترکش ڈرامے ارطغرل کی ’ حلیمہ سلطان ‘ نے مداحوں کے نام پیغام جاری کیا ہے۔ ٹوئٹر سے جاری اپنے پیغام میں انہوں نے کہا کہ اب سے میں پشاور زلمی فیملی کا حصہ ہوں۔ مجھے آپ لوگوں کیساتھ مل کر ٹیم کو سپورٹ کرنے پر فخر ہے۔یاد رہے کہ گزشتہ روز سپر سٹار ’’حلیمہ سلطان‘‘ نے پشاور زلمی فیملی کا حصہ بننے کا اعلان کیا تھا۔پشاور زلمی کے سربراہ جاوید آفریدی نے ٹوئٹر سے پیغام میںحلیمہ سلطان کو زلمی فیملی میں خوش آمدید کہا تھا۔