ملتان (سپیشل رپورٹر) منیجنگ ڈائریکٹر واساناصراقبال کی ہدایت پر شہر کے مختلف علاقوں میں واسا سیوریج سب ڈویژنوں کی سطح پر ڈی سلٹنگ مہم کا سلسلہ جاری ہے۔ جمعہ اورہفتہ کی درمیانی شب ڈی سلٹنگ ٹیموں کی کارکردگی رپورٹ بھی ایم ڈی واسا ناصراقبال کو پیش کی گئی رپورٹ کے مطابق نارتھ سیوریج ڈویژن کی طرف سے نشتر روڈ، قدیر آباد، ٹیناں والی کھوئی، عثمان آباد،نقشبند کالونی پٹھان مارکیٹ،سیوریج ساؤتھ ڈویڑن کی طرف سے بستی خداداد،مشتاق کالونی، قاسم بیلہ،الطاف ٹاؤن محلہ شاہ اسلام حسن پروانہ،محلہ چوڑی گر، سیوریج سنٹرل ڈویڑن کی طرف سے ای بلاک شاہ رکن عالم، شاہین آباد، شریف پورہ، دہلی گیٹ، محلہ پرسوں رام، منظور آباد، اورنگزیب روڈ کے علاقوں میں درجنوں مین ہولز کی صفائی کرنے سے متعلق رپورٹ  پیش کی۔