استور میں پاک فوج کے زیراہتمام سپورٹس میلہ ، ملک بھر سے کھلاڑیوں کی شرکت

لاہور(سپورٹس رپورٹر) استور کی خوبصورت وادی رٹو میں پاک فوج کی جانب سے سپورٹس فیسٹیول کا انعقاد کیا گیا جس میں ملک بھر سے کھلاڑیوں نے مختلف کھیلوں میں حصہ لیا۔کراس کنٹری سکیئنگ چیمپئن شپ گلگت بلتستان سکاؤٹس نے اپنے نام کر لی ، رشہ کشی اور یاک ریس میں کھلاڑیوں کا جوش و خروش دیدنی تھا۔ اختتامی تقریب میں شہدا ء کی فیملی نے بحیثیت مہمان خصوصی شرکت کی اور کھلاڑیوں میں انعامات تقسیم کیے۔روایتی میوزک پر مقامی افراد نے خوب رقص کیا جبکہ شرکا نے تالیاں بجا کر ان کی حوصلہ افزائی کی۔