لاہور (سپورٹس رپورٹر) پی سی بی نے جیمز فالکنر کے متبادل کھلاڑی کی منظوری دیدی ۔کوئٹہ گلیڈی ایٹرز نے جیمز فالکنر کی جگہ انڈر19 کھلاڑی محمد شہزاد کو ٹیم میں شامل کیا ہے ۔:جیمز فالکنر گذشتہ روز پی ایس ایل دستبردار ہوگئے تھے۔ اسلام آباد یونائیٹڈ میں شامل افغانستان کے رحمان اللہ گرباز کا پی ایس ایل میں سفر ختم ‘وہ بنگلہ دیش کے خلاف سیریز کیلئے نیشنل ڈیوٹی پر روانہ ہو گئے ہیں ۔ رحمان اللہ گرباز نے کہا کہ پی ایس ایل کا حصہ بننا شاندار تجربہ رہا ۔اسلام آباد یونائیٹڈ کو اب میں اپنی فیملی کا حصہ سمجھتا ہوں ۔نیشنل ڈیوٹی تمام دوسرے چیزوں سے پہلے ہوتی ہے ۔ لیام لیونگسٹن انجری کی وجہ سے پی ایس ایل سے باہر ہو گئے ہیں ۔ لیام لیونگسٹن گزشتہ رات وطن واپس روانہ ہوگئے ۔