لاہور نے انٹر بورڈ جمناسٹک چیمپئن شپ جیت لی 

لاہور(سپورٹس رپورٹر)آل پاکستان انٹر بورڈز جمناسٹک چیمپئن شپ گورنمنٹ کالج یونیورسٹی کے جمنازیم میں منعقدہو ئی پاکستان بھر سے 15،بورڈز کے 80 سے زیادہ کھلاڑیوں نے چیمپئن شپ میں شرکت کی۔لاہور بورڈ نے 85،پوائنٹس حاصل کر کے انٹر بورڈز جمناسٹک چمپئن شپ جیت لی۔ فیصل آباد اور پشاور بورڈ نے مشترکہ طور پر دوسری حاصل کی جبکہ تیسری پوزیشن ٹیکنیکل بورڈ نے 45 پوائنٹ کیساتھ حاصل کی۔ اختتامی تقریب کے مہمان خصوصی وائس چانسلر گورنمنٹ کالج یونیورسٹی ڈاکٹر اصغر زیدی نے میڈل اور ٹرافی تقسیم کئے۔ ڈائریکٹر سپورٹس لاہور بورڈ نے اختتامی تقریب سے چیئرمین لاہور بورڈ مرزا حبیب علی کا خاص شکریہ ادا کیا ۔ڈائریکٹر سپورٹس پنجاب گروپ آف کالجزز ارشد ستار بھی موجود تھے۔