اسلام آباد (اے پی پی) مسجد حرام اور مسجد نبویؓ کے امور کی صدارت عامہ کے سربراہ الشیخ ڈاکٹر عبدالرحمن السدیس نے کنگ عبدالعزیز کمپلیکس میں غلاف کعبہ  کی تیاری کے لیے چار ترقیاتی منصوبوں کا افتتاح کردیا ۔ سعودی  خبررساں ادارے کے مطابق خانہ کعبہ کورنگ کمپلیکس کے اسسٹنٹ جنرل صدر انجینئر سلطان القرشی نے بتایا کہ ان منصوبوں کی نمائندگی خودکار بنائی کرنے والی مشینوں کی تیاری کے منصوبے میں کی گئی ہے۔ ان مشینوں کی خصوصیت پیداوار کی تیز رفتاری ، معیار اور انتہائی درستگی کے ساتھ کام کرنا ہے۔ کنگ عبدالعزیز کمپلیکس میں زائرین کو غلاف کعبہ کے لیے روبوٹ کی خدمات فراہم کرنے کا منصوبہ بھی بنایا گیا ہے۔ اس منصوبے کے ذریعے زائرین کے لیے نمائش کا اہتمام کیا جائے گا۔ یہ روبوٹ ایک سے زیادہ زبانوں میں بولنے کی صلاحیتوں کے حامل ہیں۔ اس منصوبے سے غلاف کعبہ کی نمائش کے لیے متعین  ملازمین کو کم کرنے موقع ملے گا ۔انہوں نے بتایا کہ ان منصوبوں میں کنگ عبدالعزیز اینڈومنٹ کے ساتھ ڈی سیلینیشن پلانٹ کا افتتاح بھی شامل ہے۔ یہ منصوبہ کنگ عبدالعزیز کمپلیکس کے زائرین اور ملازمین کو کعبہ کے کسوہ کے لیے پینے کا پانی فراہم کرتا ہے۔ان منصوبوں میں کنگ عبدالعزیز کی جانب سے پینے کے پیالوں کا منصوبہ بھی شامل ہے جو کعبہ کے کسوہ کے لیے کنگ عبدالعزیز کمپلیکس کے زائرین اور ملازمین کے لیے پینے کے لیے موزوں ٹھنڈا پانی مہیا کرتا ہے۔